साना किसान विकास लघुवित्तले लाभांश संशोधन गरेको छ । नेपाल राष्ट्र बैंकको निर्देशन अनुसार लाभांश संशोधन गरिएको कम्पनीले जनाएको छ ।
कम्पनीले यस अघि आर्थिक वर्ष ७९/८० को मुनाफाबाट हाल कायम चुक्ता पूँजीको १५ प्रतिशत बोनस शेयर र ५ प्रतिशत नगद गरी २० प्रतिशत लाभांश वितरण गर्ने प्रस्ताव गरेको थियो । अब भने कम्पनीले १४.२५ प्रतिशत बोनस शेयर र कर प्रयोजनको लागि ०.७५ प्रतिशत नगद लाभांश गरि कुल १५ प्रतिशत मात्र लाभांश वितरण गर्ने प्रस्ताव गरेको हो । राष्ट्र बैंकको निर्देशनपछि लाभांश संशोधन गरिएको कम्पनीले उल्लेख गरेको छ ।
हाल कम्पनीको चुक्ता पुंजी ३ अर्ब ३३ करोड १६ लाख रहेको छ । नेपाल राष्ट्र बैंकले स्वीकृति दिएपछि र कम्पनीको आगामी साधारणसभाले पारित गरेपछि उक्त लाभांश लगानीकर्तामा वितरण हुने छ ।