कुमारी क्यापिटलले १ अर्बको म्युचुअल फण्ड संचालनको लागि नेपाल धितोपत्र बोर्डबाट अनुमति पाएको छ । धितोपत्र बोर्डले पुस १ गते क्यापिटललाई कुमारी सबल योजना नामक बन्दमुखी सामुहिक लगानी कोष योजना संचालनको लागि अनुमति दिएको हो ।
यस योजनाको आकार १ अर्बको रहेको छ । क्यापिटलले यस योजनामा प्रति इकैई १० रुपैयाँका १० करोड इकाई निष्काशन गर्ने छ ।
हाल क्यापिटलले कुमारी इक्विटी फण्ड र कुमारी धनवृद्धि योजना नामक बन्दमुखी योजना र 'कुमारी सुनौलो योजना' नामक खुलामुखी योजना संचालन गरिरहेको छ ।