नेपाल धितोपत्र बोर्डका अध्यक्ष रमेश कुमार हमालको कार्यकाल सकिएको छ। उनको कार्यकाल आज २०८० पुस २० गतेबाट सकिएको हो ।
कार्यक्रल सकिएसंगै आज धितोपत्र बोर्डले उनको औपचारिक विदाई गरेको छ । बोर्डले टोकन अफ अप्रिसिएसन प्रदान गर्दै उनको विदाई गरेको हो ।
उनी २०७८ फागुन ५ गते अध्यक्ष नियुक्ति भएका थिए । सरकारले भिष्मराज ढुंगानालाई बर्खास्त गरेपछि ढुंगानाको बाँकि रहेको कार्यकालको हमाल अध्यक्ष नियुक्ति भएका थिए । सोहि कारण उनको कार्यकाल २२ महिना मात्र भएको हो ।
अध्यक्ष हमाल पुस ११ देखि १७ गतेसम्म फोर्स लिभ अंतर्गत१ साता विदामा बसेका थिए । त्यसपछि उनी पुस १८ गते बोर्डको नियमित काममा हाजिर भएका थिए । आफ्नो कार्यकालको अन्तिमसम्म बोर्ड कै काममा रहेर उनी बोर्डको अध्यक्षबाट विदा भएका हुन्।