लोवर इर्खुवा हाईड्रोपावरले निष्काशन गर्ने आईपीओको ज्योति क्यापिटलले प्रत्याभूति गरेको छ। हाइड्रोले सर्वसाधारणलाई बिक्री गर्न लागेको २८ लाख ५ हजार ७ सय ५० कित्ता शेयरको लागि ज्योति क्यापिटलले प्रत्याभूति गरेको हो। यस संगै कम्पनीको आईपीओ पुरै बिक्री नभए बिक्री नभएको शेयर ज्योति क्यापिटलले खरिद गर्ने छ ।
मंगलबार क्यापिटल र हाइड्रोपावर कम्पनीबीच शेयर प्रत्याभुति गर्ने सम्झौतामा हस्ताक्षर भएको हो । सम्झौतामा ज्योति क्यापिटलका तर्फबाट प्रमुख कार्यकारी अधिकृत विकास ढकाल र लोवर इर्खुवा हाईड्रोका प्रबन्ध सञ्चालक विश्वेश्वर सुवेदीले हस्ताक्षर गरेका हुन्।
ज्योति विकास बैंकको सहायक कम्पनीको रुपमा रहेको ज्योति क्यापिटलको चुक्ता पुंजी २१ करोड रहेको छ ।