चर्चित अन्तरदेशीय कम्पनी कोकाकोलाले आफ्नो 'थम्स अप' को बिज्ञापनबाट सलमान खानलाई हटाउने भएको छ । कोकाकोलाले सलमानलाई हटाएर उनको स्थानमा रणवीर सिंहलाई ल्याउने तयारी गरेको भारतीय संचार माध्यमहरुले जनाएका छन् ।
सलमानले बिगत ४ बर्ष देखि कोकाकोलाको बिज्ञापन गर्दै आएका थिए । कम्पनी र सलमानबीचको सम्झौता अघिल्लो महिना नै सकिएको कम्पनीले जनाएको छ । सलमानको उमेर ५० कट्न लागेकाले अब उनको ठाउमा कम्पनीले आफ्नो छवि कायम गर्नको लागि पनि नयाँ अनुहारको खोज गरेको जनाएको छ । विज्ञापन युवा पुस्ताको लागि लक्षित भएकाले रणवीरलाई ल्याउन लागिएको बुझिएको छ ।
सलमानले विज्ञापन गरे बापत ५ करोड रुपयाँ पारिश्रमिक लिने गर्थे । कोकाकोला इंडियाले २०१२ मा अक्षय कुमारको स्थानमा सलमान खान लाइ ब्रांड एम्ब्यासडर बनाएको थियो । सलमान खान अहिले रियालिटी टिभी शो बिग बोस गरिरहेका छन् ।
