एक अर्ब लगानी भित्र्याउए लक्ष्य सहित आयोजना गरिएको लगानी सम्मेलनबाट करिब १४ खर्ब लगानीको प्रतिबद्धता गरिएको छ। जसमा चीनिया व्यवसायीहरुबाट सबै भन्दा बढी ८ खर्ब बढीको लगानी प्रतिबद्दता गरिएको छ।
उद्योग मन्त्रालय र लगानी बोर्डको संयुक्त आयोजना तथा राष्ट्रिय योजना आयोग र निजी क्षेत्रको सहयोगमा भएको सम्मेलनमा १३.५२ बिलियन डलर अर्थात् १४ खर्ब ४६ अर्ब बढीको लगानी प्रतिबद्दता आएको छ ।
विभिन्न देशबाट सहभागी २ सय ५० भन्दाबढी विदेशी लगानीकर्ताले नेपालका विभिन्न सम्भाब्य क्षेत्रमा लगानी गर्ने प्रतिवद्धता जनाएका हुन् । लगानी बोर्डका अनुसार उर्जा, यातायात, कृषि, पर्यटन र सूचना तथा प्रविधि लगायताका पुर्वाधार क्षेत्रमा लगानीका लागि प्रतिबद्धता आएको छ ।
सम्मेलनमा उद्योग मन्त्री नविन्द्र राज जोशीले आगामी ३ महिना भित्र एफडिआईमा देखिएका ३ प्रमुख समस्या हल गर्ने प्रतिबद्दता जनाउदै लगानीकर्ताको लगानी सुरक्षित हुने बिश्वास दिलाएका थिए ।
विभिन्न देशका लगानीकर्ताहरुले सुरुङ मार्ग,विमानस्थल,प्रसारण लाइन जस्ता क्षेत्रमा लगानी गर्न चाहेका छन। जसमा ६ वटा ८ अर्ब ३० करोड डलर नेपालमा लगानी गर्न चाहेका छन्।
लगानी गर्न चाहने कम्पनीको प्राथमिकता र रकम यस्तो:
