.gif)
नेपाल धितोपत्र बोर्डले लक्ष्मी बैंकलाई हकप्रद निष्काशनको अनुमति दिएको छ । बोर्डले बैंकलाई १:१ को अनुपातमा अर्थात् शतप्रतिशत हकप्रद निष्काशनको अनुमति दिएको हो । हकप्रद निष्काशनको लागि सिद्दार्थ क्यापिटल बिक्रि प्रबन्धक चयन भई सकेको छ ।
बैंकले तीन करोड १५ लाख ९० हजार तीन सय चार कित्ता सेयर निष्काशन गर्न लागेको हो । लक्ष्मी बैंकले प्रोफेशनल दियालो विकास बैंक एक्वायर गरेर माघ २ देखि एकिकृत कारोबार गरिरहेको छ ।
हाल लक्ष्मी बैंकको चुक्ता पूँजी ३ अर्ब ३ करोड रुपैंयाँ रहेको छ । शतप्रतिशत हकप्रद जारी गरेपछि बैंकको पूँजी ६ अर्ब नाघ्ने छ ।
बैंकले गत वर्षको मुनाफाबाट ३८ प्रतिशत बोनस सेयर दिने घोषणा पनि गरेको छ । यो बोनस हकप्रद भर्नेले पनि प्राप्त गर्ने हुनाले बास्तबिक बोनस दर १८.२९५ हुने छ । बोनस वितरण पछि बैंकको चुक्तापुंजी ७ अर्ब ४५ करोडको हाराहारीमा पुग्ने छ ।
लक्ष्मी बैंकले चालु आर्थिक वर्षको दोस्रो त्रैमासमा ४० करोड ६३ लाख ९३ हजार रुपैयाँ खुद नाफा कमाएको छ ।
.gif)
