.gif)
संयुक्त लोकतान्त्रिक मधेसी मोर्चाले सरकारलाई दिएको समर्थन फिर्ता लिएको घोषणा गरेको छ । व्यवस्थापिका–संसद्को बुधबारको बैठकमा सांसद महेन्द्रराय यादवले मोर्चासहितको गठबन्धनले दिएको समर्थन फिर्ता लिएको घोषणा गरेका हुन् । उनले त्यसको औपचारिक जानकारी सभामुखलाई दिने बताएका छन्।
यादवले वर्तमान सरकार गठनका बेला मोर्चासँग भएका तीनबुँदे सहमति कार्यान्वयन नभएकाले सहमति फिर्ता लिइएको बताए । उनले स्थानीय तहको निर्वाचन घोषणा संविधान विपरीत भएको दाबी गरे । उनले आयोगको प्रतिवेदनसमेत अपुरो रहेको अवस्थामा स्थानीय तहको निर्वाचन घोषणा गर्नु संविधान विपरित भएको बताए ।
उक्त घोषणा सहित मोर्चाले आजको बैठक पनि बहिस्कार गरेको छ । मोर्चासँग आबद्ध सात राजनीतिक दलका ४० जना सांसदले व्यवस्थापिका–संसद्मा प्रतिनिधित्व गर्दै आएका छन्।
.gif)
