३३ किलो सुन काण्डमा मुछिएका उच्च अदालत विराटनगरका न्यायाधीश उमेश सिंह बर्खास्त भएका छन् । न्यायपरिषद्ले उच्च अदालत विराटनगरकै अर्का न्यायाधीश थीरबहादुर कार्की र साधुराम सापकोटोको कार्यसम्पादन प्रक्रियालाई लिएर दुई बर्षसम्म बढुवा रोक्काको निर्णय गरेको छ ।
सिंह सोमबारदेखि नै पदमुक्त भएका छन् । प्रधानन्यायाधीश चोलेन्द्रशमशेर राणाको अध्यक्षातामा सोमबार साँझ बसेको परिषद् बैठकले सिंहलाई बर्खास्त गर्ने निर्णय गरेको हो ।