पत्रकार शालिकराम पुडासैनीको आत्महत्या प्रकरणमा पक्राउ परेका टेलिभिजनका प्रस्तोता रवि लामिछानेसहित तीनै जनालाई जिल्ला अदालत पेश गरिएको छ । लामिछानेसहत पत्रकार युवराज कंडेल र नर्स अस्मिता कार्कीलाई बिहान १० बजे अदालत पेश गरिएको हो ।
अदालतले दिएको पाँच दिनको अनुसन्धान म्याद र बयान सकिएपछि आरोपितहरुलाई अदालत उपस्थित गराइएको जिल्ला प्रहरी कार्यालय चितवनका प्रहरी प्रमुख एसपी दान बहादुर मल्लले जानकारी दिए ।
चितवन जिल्ला अदालतका श्रेष्तेदार रुद्रमणि गिरीले अनुसन्धानको फाइल अनुसार अदालतले प्रक्रिया अघि बढाउने बताए ।