भरतपुराको रामपुरमा निर्माणाधीन गौतम बु्द्ध अन्तराष्ट्रिय क्रिकेट रंगशालाको निर्माणस्थलमा लगाइएको जस्ताको बार भत्काउने मुख्य योजनाकार भनिएको प्रकाश कँडेललाई प्रहरीले नियन्त्रमा लिएको छ । कँडेलसँगै घटनामा संलग्न रहेका अन्य १६ जनलाई पनि नियन्त्रमा लिएको चितवन प्रहरीले जनाएको छ । कँडेलसहीतको टालीलाई प्रहरीले गएराति नियन्त्रमा लिएको तितवन प्रहरी प्रमुख दानबहादुर मल्लले बताएका छन् ।
रंगशाला निर्माणस्थलमा लगाइएको बार कँडेल नेतृत्वको समूहले बुधबार डोजर लगाएर भत्काएको थियो । बार भत्काउने क्रममा उनीहरुले कर्मचारीहरुलाई समेत धम्क्याएको धुर्मस–सुन्तली फाउण्डेशनका अध्यक्ष सितारम कट्लेल बताएका थिए ।
