अखिल नेपाल फुटबल संघ (एन्फा) ले राष्ट्रिय टिमका ४ खेलाडीलाई बर्खास्त गरेको छ । स्टार फर्वार्ड विमल घर्तीमगर, मिड फिल्डरद्वय अन्जन विष्ट र सन्तोष तामाङ र डिफेन्डर दिनेश राजवंशी बर्खास्तीमा परेका हुन् ।
सन् २०२२ मा कतारमा हुने विश्वकप फुटबलको छनौट अन्तर्गत कुवेतविरुद्ध खेल्ने नेपाली टोलीका मुख्य खेलाडीलाई नै एन्फाले बर्खास्त गरेको हो । मध्यरातमा ठमेलका विभिन्न क्लबमा भेटिएको र यो खेलाडीको अनुशासनभन्दा बाहिरको काम भएको भन्दै एन्फाले कारबाही स्वरुप बर्खास्त गरेको जनाएको छ ।