आगामी मंसिर १५ बाट नेपालका विभिन्न स्थानमा हुने १३औं दक्षिण एसियाली खेलकुद (साग)को मिडिया अधिकार भारतीय कम्पनीले पाएको छ । भारतको एन के मिडिया भेन्चर प्रा.लि.ले मिडिया अधिकार किनेको हो ।
राष्ट्रिय खेलकुद परिषद् (राखेप) र एनके मिडिया भेन्चरबीच आइतबार सम्झौता भएको छ । राखेपले ८ करोड रूपैयाँमा सम्झौता भएको जनाएको छ । सम्झौताअनुसार एन केले २७ वटै खेलको प्रत्यक्ष प्रसारण गर्नेछ । विज्ञापन बापतको रकम पनि नेपालले पाउने जनाईएको छ ।
सागलाई अन्तराष्ट्रिय स्तर प्रचार गर्ने जिम्मा भने फिस्कल एजेन्टले पाएको छ ।
७ देशका खेलाडीहरुले २७ खेलमा प्रतिस्पर्धा गर्ने प्रतियोगीता काठमाडौं, पोखरा र जनकपुरमा हुँदै छ ।