१३ औं दक्षिण एसियाली खेलकुद प्रतियोगिता (साग) मंसिर १५ गतेबाट काठमाडौँमा सुरु हुँदैछ । सागको राष्ट्रपति विद्यादेवी भण्डारीले उद्घाटन गर्ने कार्यक्रम तय भएको छ ।
काठमाडौंस्थित दशरथ रंगाशालामा हुने प्रतियोगिताको मंसिर १५ गते साँझ उद्घाटन राष्ट्रपति भण्डारीले गर्ने भएकी हुन् । राष्ट्रिय खेलकुद परिषद् (राखेप)का अनुसार उद्घाटन कार्यक्रममा प्रधानमन्त्री केपी शर्मा ओली पनि उपस्थित हुनेछन् । सागका विभिन्न खेलहरु काठमाडौं, पोखरा र जनकपुरमा सञ्चालन हुँदैछ । १० दिनसम्म चल्ने प्रतियोगीतामा ७ देशका ३ हजार खेलाडीले २६ खेलमा प्रतिस्पर्धा गर्नेछन् ।
सन् १९८४ मा नेपालबाटै सुरु भएको साग १३ औं संस्करणसम्म आइपुग्दा नेपालले तेस्रो पटक आयोजना गर्न लागेको हो । दोस्रो पटक नेपालले सन् १९९९ मा साग आयोजना गरेको थियो ।
