वेष्ट इन्डिजका अलराउण्डर क्रिस गेलले नेपालमा आयोजना हुने एभरेष्ट प्रिमियर लिग क्रिकेट (ईपीएल) खेल्ने पक्का भएको छ । विश्व क्रिकेटका उत्कृष्ट खेलाडी गेलले पोखरा राइनोजबाट ईपीएल खेल्ने पक्का भएको हो ।
पोखराले मार्की खेलाडीका रुपमा गेललाई भित्र्याउन लागेको हो । गेल युनिर्भसल बोसका उपनामले समेत चिनिन्छन् । उनले पोखराबाट समुहका दुइ खेल खेल्ने छन् ।४० वर्षीय गेलले वेष्ट इन्डिजबाट ५८ टि–ट्वान्टी खेलेका छन् । तीन सय बढी एकदिवसीय अन्तराष्ट्रिय खेलका उनले १०३ टेष्ट क्रिकेट खेलेका छन् ।
नेपाल आउने भएपछि क्रिस गेलले 'गेल स्टोर्म' को लागि तयार रहन भनेका छन् । खेलको क्रममा उनले धेरै चौका र छक्का प्रहार गर्ने भएकोले त्यसलाई क्रिकेट जगतमा ' 'गेल स्टोर्म' भनेर चिनिन्छ ।
हेर्नुस गेलको भिडियो :
Nepal, the forecast for March is Stormy! @henrygayle has confirmed to play in the @eplt20official for @pokhararhinos! Are you ready for the Gayle Storm?#galligallimaGayle #GoGayle #GoRhinos #eplt20 pic.twitter.com/FuurBZ50ci— EPL - Everest Premier League (@eplt20official) January 30, 2020