त्रिदेशीय फुटबल प्रतियोगिताको उपाधि जितेको नेपाली राष्ट्रिय फुटबल टोलीका सदस्यलाई सरकारले जनही ४ लाख रुपैयाँ दिने भएको छ । नेपाली टोलीका २३ जना खेलाडीलाई जनही ४ लाख रुपैयाँ पुरस्कार दिईने निर्णय भएको सरकारका प्रवक्ता सञ्चार तथा सूचना प्रविधिमन्त्री पार्वत गुरुङले जानकारी दिए ।
टिमका ३ जना प्रशिक्षकलाई जनही २ लाख रुपैयाँ दिने निर्णय भएको छ ।
काठमाडौंको दशरथ रंगशालामा नेपाल, बंगलादेश र कीर्गिस्तानबीच त्रिदेशीय फुटबलको उपाधि नेपालले जितेको थियो ।