इन्डियन प्रिमियर लिग आईपीएल अनिश्चित समयको लागि स्थगित भएको छ । प्रतियोगिता आयोजना गरिरहेको भारतीय क्रिकेट बोर्ड बिसीसीआईले बढ्दो कोरोना संक्रमणको कारण देखाउदै प्रतियोगिता स्थगित गरेको हो ।
केकेआरका २ खेलाडीलाई कोरोना संक्रमण पुष्टि भएपछि हिजो हुनु पर्ने केकेआरको खेल स्थगित भएको थियो । तर आज बिहानसम्ममा ४ वटा टिमको कम्तिमा १ सदस्यलाई कोरोना पुष्टि भएपछि प्रतियोगिता स्थगित भएको हो ।
कोरोना संक्रमणबाट बच्न सबै टिम बायो बबलमा छन् । तर बायो बबल भित्र नै संक्रमण फैलिएपछि हालको लागि प्रतियोगिता स्थगित भएको हो । बायो बबल भनेको भित्र भएका कोहि पनि बाहिर जान नपाउने र बाहिर भएका कोहि पनि भित्र जान नपाउने वातावरण हो ।
प्रतियोगिताको २९ खेल सकिएका थिए । बिसीसीआईले प्रतियोगिताको अर्को मिति तोकेको छैन ।