स्पेनिस क्लब बार्सिलोनाले नयाँ सिजन २०२१–२२ को पहिलो लिग खेलमा रियल सोसिडाडमाथि सहज जित हात पारेको छ । टिमका पूर्वकप्तान एवम् स्टार खेलाडी लियोनल मेस्सीबिना मेस्सीले १७ वर्षपछि मैदलनन उत्रिएको बार्साले सिजनको पहिलो अफिसियल खेलमा बार्सिलोनाले ला लिगामा रियल सोसिडाडमाथि ४–२ को सहज जित निकालेको हो ।
घरेलु मैदान क्याम्प नोउमा २० हजार दर्शकमाझ भएको ला लिगाको पहिलो खेलमा बार्सिलोनाका लागि डेनिस फरवार्ड मार्टिन ब्रेथवेट नायक बने । उनले २ गोल र एक असिस्ट गरे । डिफेन्डर जेर्राड पिके र सर्जी रोर्वेटोले एक एक गोल गरे ।
३–० को जित नजिक पुगेका बार्सिलोनाले अन्तिम ३ मिनेटमा २ गोल खायो ।
१९ औँ मिनेटमा फ्रि किकबाट आएको बललाई हेडिङमार्फत् जाली चुमाउँदै पिकेले गोल गर्दै बार्सालाई अग्रता दिलाएका थिए । त्यसपछि पहिलो हाफको इन्जुरी समयमा ब्रेथवेटले पहिलो गोल गरेपछि खेल २–० को अवस्थामा पुग्यो । खेलको ५९औं मिनेटमा ब्रेथवेटले नै व्यक्तिगत दोस्रो गोल गरेपछि बार्सिलोना ३–० को स्थितिमा पुगेको थियो ।
तर, सोसिडाडका लागि ८२औं मिनेटमा जुलेन लोवेटेले पहिलो गोल गरे भने त्यसको ३ मिनेटमै मिकेले ओयारजबालले अर्को गोल गरे । यसपछि खेल ३–२ को अवस्थामा आइपुग्यो । तर, इन्जुरी समयको १ मिनेमा बार्साका लागि सर्जी रोर्वेटोलेले गोल गरेपछि खेल बार्सिलोनाले ४–२ ले जित्यो ।
यो जितपछि बार्सिलोना ३ अंकका साथ दोस्रो स्थानमा छ । समान ३ अंक नै भएको रियल मड्रिड शीर्ष स्थानमा छ । एथ्लेटिको मड्रिड तेस्रो स्थानमा हुँदा भ्यालेन्सिया चौथो स्थानमा छ । यी शीर्ष ४ टिम, जसलाई उपाधि दाबेदार मानिएको छ, यीनिहरु सबैले आफ्नो पहिलो खेल जितेका छन् । तर, गोल अन्तरमा रियल मड्रिड शीर्ष स्थानमा छ ।
