काठमाडौँको सडकमै प्लेन गुडेको छ । शनिवार काठमाडौं एयरपोर्टबाट जहाज सडकमा निस्किएको हो । नेपालमै पहिलो पटक यसरी सडकमै जहाज गुडाईएको हो ।
एयरपोर्टबाट तीनकुने, नयाँ बानेश्वर हुँदै माइतीघर, भद्रकाली, शहीदगेट र जमलबाट नारायणहिटी दरबार लैजानका लागि उक्त जहाजलाई सडकै सडक गुडाईएको महानगरीय ट्राफिक प्रहरी महाशाखाले जनाएको छ । नारायणहिटी दरबार संग्रहालयमा राख्न राजा वीरेन्द्रले २०३१ सालमा राज्याभिषेकका बेलामा प्रयोग गरेको यो जहाजलाई सडकमा हिडाईएको हो ।
तत्कालीन राजाहरुले प्रयोग गरेको सो विमान विमानस्थलमै ग्राउण्डेड थियो । सरकारले यो जहाज नारायणहिटी संग्रहालयको प्रदर्शनीमा राख्ने निर्णय गरेको थियो ।