राष्ट्रियसभाको उपाध्यक्षमा नेकपा एमालेकी विमला घिमिरे निर्वाचित भएकी छन् । प्रमुख प्रतिपक्षी दल नेपाली कांग्रेसकी विष्णुदेवी पुडासैनीलाई पराजित गर्दै घिमिरले राष्ट्रियसभा उपाध्यक्षमा निर्वाचित भएकी हुन् ।
बैठकमा उपस्थित ५५ जना सदस्यहरुमध्ये घिमिरेको पक्षमा ३९ मत परेको थियो । कांग्रेसकी पुडासैनीले जम्मा १६ मत पाइन् ।
नेकपा माओवादी केन्द्रबाट राष्ट्रियसभा उपाध्यक्ष बनेकी उर्मिला अर्यालले चैत १५ गते राजीनामा दिएपछि उक्त पद खाली थियो ।
सत्ता गठबन्धनमा राष्ट्रियसभा अध्यक्ष माओवादी केन्द्रले पाउने सहमतिअनुसार नारायण दाहाल राष्ट्रियसभा अध्यक्ष बनिसकेका छन् ।
राष्ट्रिय सभाको बैठक शुक्रबारसम्म स्थगित गरिएको छ ।