उत्तर कोरियाली नेता किम जोङ्ग उन सार्वजनिक कार्यक्रममा देखिएका छन् । उनी २० दिनपछि एक रासायनिक मलको कारखाना उद्घाटन कार्यक्रममा देखिएका हुन् । उनले रिबन काटेर सो कारखाना उदघाटन गरेको तस्वीर उत्तर कोरियाली समाचार एजेन्सीले सार्वजनिक गरेको छ ।
समाचार एजेन्सी केसीएनएका अनुसार उनी आफ्नी बहिनी किम यो जोङ्ग र सरकारका वरिष्ठ अधिकारीहरुसँगै कार्यक्रममा सहभागी थिए ।
१२ अप्रिलपछि सार्वजनिक कार्यक्रमहरुमा नदेखिएपछि उनी गम्भीर बिरामी भएको अड्कलबाजीसहित समाचारहरु सार्वजनिक भएका थिए ।
