भारतमा कोरोना भाइरस संक्रमितको संख्या १ लाख नाघेको छ । सोमबार एकैदिन ४६ सय बढीमा कोरोना पुष्टि भएसँगै संक्रमितको संख्या १ लाख नाघेको हो ।
पहिलो संक्रमित भएको पुष्टि भएको १०९ दिनपछि संक्रमतिको संख्या १ लाख कटेको भारतीय संचार माध्यमहरुले जनाएका छन् । १२ दिन मै संक्रमितको संख्या दोब्बर भएको हो । त्यस्तै मृतकको संख्या ३ हजार नाघेको छ । संक्रमित मध्ये ३९ हजार बढी निको भएका छन् । जुन ३८.८ प्रतिशत भएको बताईएको छ ।
महाराष्ट्र राज्य कोरोनाबाट सबै भन्दा बढी प्रभावित छ । त्यहा मात्र ३५ हजार बढी संक्रमित छन् भने १२ सय बढीको मृत्यु भएको छ ।