सरकारले जेठ ३ गते बजेट अधिवेशन बोलाउनको लागि राष्ट्रपति समक्ष सिफारिस गर्ने निर्णय गरेको छ । आइतबार बसेको मन्त्रिपरिषद्को बैठकले संघीय संसद्को बजेट अधिवेशन जेठ ३ गते बोलाउन राष्ट्रपति समक्ष सिफारिस गर्ने निर्णय गरेको हो ।
जेठ ३ गते अपरान्ह ४ बजे नयाँ बानेश्वरस्थित संघीय संसद भवनमा बैठक बस्ने गरी बजेट अधिवेशन बोलाउन सरकारले राष्ट्रपति समक्ष सिफारिस गरेको हो। मन्त्रिपरिषद्को सिफारिसमा राष्ट्रपतिले संसद अधिवेशन आह्वान गर्ने र अन्त्य गर्ने संवैधानिक प्रावधान रहेको छ ।
यहि अधिवेशनमा नीति तथा कार्यक्रम र बजेट पेश हुने छ । नीति तथा कार्यक्रम राष्ट्रपतिबाट पेश हुने छ भने बजेट अर्थमन्त्रीबाट पेश हुने छ । जेठ १५ गते बजेट पेश गर्नु पर्ने संवैधानिक ब्यबस्था छ ।
यद्यपि प्रमुख प्रतिपक्षी दल नेकपा एमालेले संसद अवरोध गरिरहेको छ ।
