अर्थमन्त्री जनार्दन शर्माले आफूले चुनाव लक्षित बजेट नल्याएको दाबी गरेका छन् । सोमबार अर्थ मन्त्रालयमा आयोजित पत्रकार सम्मेलनमा उनले चुनावका लागि केन्द्रित गरेर आफूले बजेट नल्याएको जिकिर गरेका हुन् ।
‘बजेटमा चुनावी कुरा छैनन्, थोरै बाहेक हिजोकै कुरालाई निरन्तरता दिएको हो’ उनले भने, ‘उत्पादन बढाउनुपर्छ, आत्मनिर्भर हुनुपर्छ भन्नु चुनावी कुरा हो र ?’
उनले सरकारी कर्मचारीको तलब हरेक ३ वर्षमा बढाउने नियम नै भएको भन्दै तलब बढाउनु चुनावी कुरा नभएको बताए ।
