सरकारको नीति तथा कार्यक्रम आज सार्वजनिक हुँदैछ । संघीय संसदका दुवै सदनको संयुक्त बैठकमा राष्ट्रपति रामचन्द्र पौडेलले सरकारको नीति तथा कार्यक्रम प्रस्तुत गर्ने छन् ।
दिउँसो ४ बजे संघीय संसदको बैठक बोलाइएको छ ।
सरकारले जेठ १५ गते वार्षिक बजेट ल्याउनुपर्ने संवैधानिक प्रावधान छ । संसदमा बजेट प्रस्तुत गर्नु अगाडी राष्ट्राध्यक्षमार्फत नीति तथा कार्यक्रम सार्वजनिक हुने गरेको छ ।
प्रधानमन्त्री पुष्पकमल दाहाल प्रचण्डले यसपालिको नीति तथा कार्यक्रम र बजेट उत्पादन वृद्धि र रोजगारी सिर्जनामा केन्द्रित हुने बताउँद्र आएका छन् ।