सरकारले आगामी वर्ष थप ५ लाख रोजगारी सिर्जना गर्ने घोषणा गरेको छ । राष्ट्रपति रामचन्द्र पौडेलले आगामी आर्थिक वर्षको नीति तथा कार्यक्रम सार्वजनिक गर्दै आगामी वर्ष निजी क्षेत्र र औद्योगिक प्रतिष्ठानहरुसँग मिलेर थप ५ लाख नयाँ रोजगारी सिर्जना गरिने बताएका हुन् ।
उनले श्रमिकको ज्याला जीवन धान्न पुग्ने गरी तोकिने र काम अनुसार आफैँ बढ्ने गरी स्वचालित ज्याला प्रणालीको विकास गरिने पनि उद्घोष गरेका छन् ।