सरकारले पक्की सडक बनाउँदा ढलान गर्ने नीति लिने घोषणा गरेको छ । नेपाली सिमेन्टको खपत बढाउन ढलान सडकको अवधारणामा जाने घोषणा गरिएको हो ।
अर्थमन्त्री डा. प्रकाशशरण महतले आगामी आर्थिक वर्षको बजेट भाषण गर्दै नेपाली सिमेन्टको आन्तरिक खपत बढाउन पक्की सडकमा नेपाली सिमेन्ट प्रयोग गरेर ढलान सडकको अवधारणामा जाने घोषणा गरेका हुन् । यसबाट बिटुमिनको आयात कम हुन गई ब्यापार घाटा कम हुँदै जाने विश्वास लिइएको छ ।