प्रतिनिधिसभा बाट राष्ट्र ऋण उठाउने विधेयक, २०८० पारित भएको छ । प्रतिनिधिसभाको आजको बैठकले बहुमतले राष्ट्र ऋण उठाउने विधेयक, २०८० हुबहु पारित गरेको हो। त्यस अघि विधेयकमा परेका सबै संशोधनहरु बहुमतले अस्वीकृत भएको थियो ।
बैठकमा अर्थ मन्त्री डा. प्रकाश शरण महतले “राष्ट्र ऋण उठाउने विधेयक, २०८० लाई पारित गरियोस्” भनी प्रस्ताव प्रस्तुत गरेका थिए। आजको बैठकले आर्थिक विधेयक २०८० पनि बहुमतले पारित गरेको छ ।
प्रतिनिधिसभाले पारित गरेको उक्त विधेयक अब राष्ट्रिय सभामा जाने छ । राष्ट्रिय सभाबाट विधेयक पारित भएपछि राष्ट्रपतिले प्रमाणीकरण गरेपछि ऐनको रुपमा उक्त कानुन कार्यान्वयनमा आउने छ।