रामेछाप जिल्लाको रामपुरमा उत्पादित गेडागुडी राजमा ‘चार घरे’ नामक ब्राण्डसहित बजार आउने भएको छ । जिल्लाको रामेछाप नगरपालिका वडा नं ५ रामपुरमा उत्पादन भएको राजमा ब्राण्डिङ, लेभलिङ र प्याकेजिङसहित बजारहरुमा आउने भएको हो ।
सगरमाथा कृषि तथा पशुपालन सहकारी संस्थाले राजमाको बजारीकरण सुरु गरेको हो । सहकारीका अध्यक्ष भिम बहादुर तामाङका अनुसार रामपुरको राजमालाई ‘चार घरे’ ब्राण्डमार्फत सियास र आर्या नामक संस्थासँग सहकार्य गरेर बजार पठाउन लागिएको हो ।
रामेछाप नगरपालिकाका प्रमुख लबश्री न्यौपानेले रामपुरको राजमा ब्रान्डिङ, लेभलिङ र प्याकेजिङसहित बजारमा आउने भएपछि खुशी व्यक्त गरेका छन् ।
चार घरे ब्राण्डमार्फत बजारमा आउने राजमा १ किलोग्राम र ५ सय ग्रामको प्योकटमा उपलब्ध हुनेछ ।