चिनी उद्योग तथा उखु किसानका समस्या समाधान गर्न उपसमिति गठन भएको छ । प्रतिनिधिसभा अन्तर्गतको उद्योग तथा वाणिज्य र श्रम तथा उपभोक्ता हित समितिकोको बैठकले कृष्णकुमार श्रेष्ठको संयोजकत्वमा उपसमिति गठन गरेको हो ।
उपसमितिले उखु किसान र उद्योग बीचका समस्या अध्ययन गरी समाधान गर्न सुझाव दिनेछ । उपसमितिका सदस्यहरुमा कान्तिका सेजुवाल, गणेश पराजुली, रामशंकर यादव र सूर्यमान दोङ तामाङ रहेका छन् ।
समितिलाई अध्ययन प्रतिवेदनको लागि एक महिनाको समय दिइएको छ ।