.gif)
एसियाली विकास बैंक (एडीबी) ले नेपाललाई ३० करोड अमेरिकी डलर ऋण दिने भएको छ । भारत र बंगलादेशसँग जोड्ने अन्तर्राष्ट्रिय सडक मार्ग सुधार गर्न एडीबीले नेपाललाई दिने ३० करोड अमेरिकी डलर ऋण स्वीकृत गरेको हो ।
उक्त ऋण रकम नेपालले काँकडभित्ता–लौकही सडक विस्तारको लागि खर्च गर्नेछ । यो राजमार्गले दक्षिण एसिया क्षेत्रको क्षेत्रीय आर्थिक गतिविधि बढाउने एडीबी दक्षिण एसियाका यातायात विज्ञ सीन वाइ चोङले बताए ।
यो ऋणबाट काँकडभित्ता–लौकहीतर्फको ९५ किलोमिटर सडकखण्ड २ लेनबाट चार लेनमा विस्तार गरिने छ । ट्राफिक सिग्नल, सडकपेटी, सडक बत्ती, रोड क्रस, बत्ती र बस स्टपलगायतका पूर्वाधार बनाइने बताइएको छ ।
.gif)
