नेपाल नागरिक उड्डयन प्राधिकरण (क्यान) ले मौसम सफा नहुँदा आन्तरिक उडान गर्न नपाउने निर्णय गरेको छ । मुस्ताङको खासाङमा तारा एयरको विमान दुर्घटनाको कारण खराब मौसम भएको प्रारम्भिक अनुमान भएसँगै प्राधिकरणले यस्तो निर्णय गरेको हो ।
प्राधिकरणका प्रवक्तासमेत रहेका उपमहानिर्देशक देवचन्द्रलाल कर्णले अबदेखि इनरुट मौसम सफा नभएको अवस्थामा उडानको अनुमति नदिने निर्णय गरिएको जानकारी दिए ।
अहिलेसम्म उड्ने विमानस्थल र ल्याण्ड हुने विमानस्थलको मौसम सफा भएमा उडान अनुमति दिँदै आएकोमा अब भने इनरुट मौसम सफा नभएसम्म उडान अनुमति नदिने भएको हो ।
इनरुट भनेको विमान उड्ने स्थान, विमान पुग्ने स्थान र उडानको बाटो समेत पर्छ ।
