कोरोना संक्रमणका कारण नेपालमा ट्रान्जिट गरेर तेस्रो मुलुकमा जान लाग्दै आएको प्रतिबन्ध हटेको छ । गृह मन्त्रालयको प्रस्तावमा सोमबारको मन्त्रिपरिषद बैंठकले विदेशी नागरिकलाई नेपाली बाटो हुँदै तेस्रो मुलुकमा जान लाग्दै आएको प्रतिबन्ध हटाएको हो ।
यसअघि, सरकारले २०७८ वैशाख १३ गते त्रिभुवन अन्तराष्ट्रिय विमानस्थलबाट तेस्रो मुलुक जाने उद्देश्यले नेपाल आउन र यो विमानस्थललाई ट्रान्जिटको रुपमा प्रयोग गरी अन्य गन्तव्य जान नपाउने गरी प्रतिबन्ध लगाएको थियो ।
नेपालमा ट्रान्जिट गरेर तेस्रो मुलुकमा जान लाग्दै आएको प्रतिबन्ध हटेपछि पर्यटन क्षेत्रमा उत्साह थपिएको छ । पर्यटन व्यवसायीहरुले यो प्रतिवन्ध हटाउन माग गर्दै आएका थिए ।
