जजिरा एयरवेजले गौतमबुद्ध अन्तराष्ट्रिय विमानस्थलबाट अब दैनिक उडान सुरु गरेको छ । जजिराले आगामी भदौ ३१ गतेबाट कुबेतका लागि दैनिक उडान गर्ने भएको हो ।
हाल सातामा ३ उडान गर्दै आएको जजिराले अब भने सातामा सातै दिन उडान गर्ने भएको हो ।
हाल जजिराले सोमबार, मंगलबार र शुक्रबार उडान गरिरहेको छ ।
चाडपर्व नजिकिएकाले यात्रुको संख्या बढेकाले उडान संख्या पनि थप गरिएको एयरवेजले जनाएको छ ।
जेठ २ गतेदेखि सञ्चालनमा आएको गौतमबुद्ध अन्तराष्ट्रिय विमानस्थलमा हाल जजिराले मात्रै अन्तराष्ट्रिय उडान गरिरहेको छ । केही दिन अघि हिमालयन एयरलाइन्सले पनि परीक्षण उडान गरेको छ ।