यति एयरलायन्सले नयाँ साझेदार भित्राएको छ । एसियन लाइफ इन्स्योरेन्स कम्पनीले यति एयरलाइन्सको ४९ प्रतिशत सेयर स्वामित्व किनेको हो।
यस संगै एयरलायन्सले कम्पनीमा नयाँ प्रमुख कार्यकारी अधिकृत नियुक्त भएका छन् । कम्पनीले सुवास सापकोटालाई सीइओ नियुक्त गरेको हो । उनी यस अघि एफवान सफ्ट अन्तर्गतको इसेवाको सीइओ थिए ।
यति एयरलायन्सले एक वर्ष भित्र नै सर्वसाधारणलाई शेयर निष्काशन गर्ने योजना पनि बनाएको छ । त्यसको लागि कम्पनी पब्लिकमा परिणत भईसकेको छ । नयाँ साझेदार भित्र्याएर र सर्वसाधारणलाई शेयर जारी गरेर संकलन हुने रकमबाट कम्पनीले नयाँ जहाजहरु खरिद गर्ने योजना बनाएको छ ।