भारतको भिस्तारा एयरलाइन्सले काठमाडौँ–दिल्ली दैनिक उडान गर्ने भएको छ । भिस्ताराले बुधवारबाट यो रुटमा दैनिक उडान गर्ने भएको हो ।
भारतको टाटा समूह र सिङ्गापुर एयरलाइन्सको संयुक्त लगानी रहेको भिस्ताराको दोस्रो उडान बिहान १०ः४० बाट हुनेछ । भिस्ताराको ए–३२० नेव जहाजमार्फत उडान हुने बताइएको छ ।
एयरलाइन्सको नेपालस्थित कार्यकारी अधिकृत प्रसन्न अधिकारीका अनुसार भिस्ताराको काठमाडौं–दिल्लीको दोस्रो उडान बुधवारबाट सुरु हुनेछ । बिहान १०ः४० बजे जहाज काठमाडौंबाट दिल्लीका लागि उड्नेछ ।
अहिले भइरहेको साँझ ५ बजे हुँदै आएको उडान यथावत् नै रहनेछ ।
बिहानीको उडान भर्न जहाज दिल्लीबाट ७ः४० मा काठमाडौंका लागि उड्नेछ । जहाज काठमाडौंमा ९ः४० मा अवतरण गर्नेछ । काठमाडौंबाट भने दिल्लीका लागि जहाज १०ः४० उड्नेछ । जहाजले दिल्लीमा १२ः१० बजे अवतरण गर्नेछ ।
