एयरपोर्टभित्रै पाइलटबीच कुटाकुट भएपछि नागरिक उड्डयन प्राधिकरण (क्यान)ले मन्थली विमानस्थलका प्रमुख अशोक थापालाई निलम्बन गरेको छ । तारा एयरका क्याप्टेन सन्तोष शाह र सञ्जीव श्रेष्ठबीच विमानस्थल भित्रै कुटाकुट भएपछि क्यानले विमानस्थलका प्रमुख थापालाई निलम्बन गरेको हो ।
प्राधिकरणले अनुसन्धान प्रक्रिया अघि बढाइएकाले अनुसन्धानका लागि विमानस्थलका प्रमुख थापालाई निलम्बन गरेको हो ।
क्यानले झगडा गर्ने २ पाइलटलाई ग्राउण्डेड गर्दै उनीहरुको लाइसेन्स निलम्बन गरिसकेको छ ।