सानिमा बैंकले हरितालिका तीजको अवसरमा नारीहरुका लागि तीजको कोसेली योजना सार्वजनिक गरेको छ । उक्त योजना अन्तर्गत सानिमा नारी बचत खाता खोल्ने ग्राहकहरुलाई डेविट÷क्रेडिट कार्ड, डिम्याट खाता, मेरो शेयर, मोबाइल बैंकिङ्ग, एनसेल सिम कार्ड, डलर –कार्ड (पहिलो टपअप) निःशुल्क जारी गरिने बैंकले जनाएको छ ।
साथै, लकर शुल्कमा ७५% छुट प्राप्त गर्न सक्ने बैंकले उल्लेख गरेको छ । बैंकका अनुसार यस बाहेक पहिलो पीओएस कारोबारमा १०% वा अधिकतम रु. ५०० सम्मको क्यासब्याक प्राप्त गर्न सकिने छ। यो योजना २०७९ भाद्र १ देखि भाद्र १५ गतेसम्म लागू हुने र क्यासब्याक योजना २०७९ भाद्र मसान्तसम्म लागू हुने बैंकले जनाएको छ ।
सानिमा बैंकको देशका सातै प्रदेशमा १२७ वटा कार्यालय तथा १२० वटा ए.टि.एम. संचालनमा रहेका छन् ।
