नेपालकै ठूलो रिटेल चेन साथीमार्टको नयाँ आउटलेट पोखराको चाउथे- १४ मा सुरु हुने भएको छ । पेट्रोल पम्प व्यवसायमा आवद्ध किरण भट्टराईले फेन्चाइज लिएर मार्ट जेठ २१ गतेबाट सुरु गर्न लागेकी हुन् ।
पेट्रोल पम्प व्यवसाय सञ्चालन गर्दैगर्दा रिटेल व्यवसायमा रुची लागेको भट्टराई बताउँछिन् । ‘पेट्रोल पम्प चलाउँदै गर्दा साथी मार्टको बारेमा सुनेँ । यसमा रुची लाग्यो । यसबाट ग्राहकलाई एकै ठाउँमा सबै सामाग्री पाउने र वन-स्टप सलुसन दिने छ,’ उनले भनिन् ।
यस्तै, हरेक सपिङको लागि टाढा-टाढा धाउनु पर्ने समस्याको समाधान दिँदै साथीमार्ट चाउथेमा भव्य तरिकाले उद्घाटन गर्ने र दिगो रूपमा सञ्चालन गर्ने उद्देश्य रहेको उनी बताउँछन् । पाँच सय पचास बर्गफिटको आउटलेटमा ग्रोसरी, कस्मेटिक, होमकेयर, बेबिकेयर, किचन वयर, लिकर, गिफ्ट लगायतका सामान उपलब्ध हुनेछन् ।
साथीमार्ट ओ टु ओ मार्ट भएकाले उपभोक्ताले साथीमार्टको मोबाइल एप वा आधिकारिक वेबसाइट (www.saathimart.com) मा आफूलाई आवश्यक सामान रोजेर अर्डर गरी घरैमा डेलिभरी मगाउन सक्नेछन्। फ्रेन्चाइज स्टोर सँगै साथीमार्ट इनकर्पोरेट प्रालिको पुणर् स्वामित्वमा नेपालका विभिन्न सहरमा छिट्टै ठुला आउटलेट सन्चालनमा ल्याउने तयारी रहेको बताइएको छ ।
एउटै लगानीमा खुद्रा ब्यापार (आउटलेट), ई-कमर्स, एफिलिएट मार्केटिङ, डिस्टिब्युटरसिप जस्ता सुबिधा हुने भएकोले साथीमार्टको फ्रेन्चाइजमा आकर्षण बढेको छ ।
