सरकारले सहकारीबाट लिएको ऋण नतिर्ने ऋणिहरुको सम्पत्ति रोक्का गर्ने चेतावनी दिएको छ । शुक्रबार एक सूचना जारी गर्दै बागमती प्रदेशको संस्कृति, पर्यटन तथा सहकारी मन्त्रालयले यस्तो चेतावनी दिएको हो ।
ऋण लिएर ऋणिहरुले भुक्तानी नगरेपछि सहकारीले सदस्यहरुलाई बचत फिर्ता गर्न असहज भएको भन्ने गुनासो आएको भन्दै मन्त्रालयले आफुले लगेको ऋण भुक्तान गर्न अनुरोध गरेको छ । ऋण लिएर नतिर्नु कानुनी बर्खिलाप भएको उल्लेख गर्दै मन्त्रालयले यस्तो अवस्थामा सम्पत्ति रोक्का गरिदिने सूचनामार्फत जानकारी गराएको छ ।