धनगढीको एक मतदान केन्द्र नजिक विस्फोट भएको छ ।
धनगढी उपमहानगरपालिका वडा नम्बर २ स्थित शारदा मा.वि. मतदान केन्द्र बाहिर विस्फोटक पदार्थ पड्किएको जिल्ला प्रहरी कार्यालय कैलालीका प्रवक्ता वेदप्रकाश जोशीले पुष्टि गरेका छन् ।
उनले आज बिहान केही विस्फोटक पदार्थ पड्किएको तर, कुनै क्षति भने नभएको बताए । केहीबेर तनावको स्थिती सिर्जना भएपनि घटनालगत्तै नेपाली सेनाको टोली पनि पुगिसकेकाले अहिले स्थिति सामान्य रहेको प्रवक्ता जोशीको भनाई छ ।