सिरहामा २ पार्टीका कार्यकर्ताबीच मतपेटिका खोसाखोस भएको छ । जनता समाजवादी पार्टी (जसपा) र नेकपा एकिकृत समाजवादी पार्टीका कार्यकर्ताबीच मतपेटिका खोसाखोस भएको हो ।
सिरहाको कर्जन्हा–६ स्थित जनता माविमा रहेको मतदान केन्द्रमा मतपेटिका खोसाखोस भएपछि प्रहरीले हवाइफायर गरेको छ ।
स्थितिलाई नियन्त्रणमा लिन हवाई फायर गर्नुपरेको जिल्ला प्रहरी कार्यालय सिराहाका डीएसपी सुवास बुढाथोकीले बताए ।
मतपेटिका तानातानले केहीबेर तनाव भए पनि अहिले भने मतदान सुचारु भएको छ ।