दार्चुलाको शैल्यशिखर नगरपालिका ५ मालिकार्जुन मा.वि. ग्वानी बगौरा मतदान केन्द्रमा हवाई फायर भएको छ ।
मतहाल्न पुगेका एक जना मतदाताको मत पहिल्यै अरुले हालेको पाएपछि विवाद भएको हो । हवाई फायर पछि अहिले मतदान रोकिएको छ ।
विवाद भएपछि प्रहरीले सम्झाउने क्रममा एक जना महिलाको टाउकोमा लठ्ठीले लागेको थियो ।
त्यसपछि स्थानीयबासिन्दाले आक्रोशित हुँदै ढुंगामुठा गर्न थाले । ढुंगामुठा हुन थालेपछि ३ राउण्ड हवाई फायर गर्नु परेको प्रहरीले जनाएको छ ।
