नेपाल वैदेशिक रोजगार व्यवसायी संघले यूएईमा जब फेयर गर्ने भएको छ । संघले यसबारे सोमबार आन्तरीक छफलफल गरेर फेब्रुअरी १५ तारिख फेयर गर्ने निर्णय गरेको हो ।
यूएईका रोजगारदाताबीच सिधा सम्पर्क स्थापित गर्ने उदेश्यले संघको समन्वयमा रोजगारीको गन्तव्य मुलुक यूएईमा उक्त फेयर गर्न लागेको संघले जनाएको छ । फेयरमा त्यहाँका सरकारका प्रतिनिधि, ठूला रोजगारदाता कम्पनी, चेम्बर आफ कमर्स लगायत यूएईका विभिन्न व्यवसायीक संघ संगठनसँग छलफल हुने जनाइएको छ ।
फेयरको लागि सूचना छिटै सार्वजनिक गर्ने संघका महासचिव मेघराज भुर्तेलले जानकारी गराए । उक्त फेयरमा सहभागी हुन चाहने नेपालका म्यानपावर व्यवसायीहरुलाई सूचना निकालेर नामावली संकलन गर्ने तयारी संघले गरेको छ । संघले उक्त सूचना सार्वजनिक गरेपछि म्यानपावर व्यवसायीहरुलाई विवरण उपलब्ध गराउन भनिएको छ ।
