राधी विद्युत कम्पनी लिमिटेडको आयोजनाले पुन: विद्युत उत्पादन थालेको छ । गत आसारमा राधी खोलामा बाढी आएपछि कम्पनीको आयोजजामा क्षति पुगेको थियो । आयोजना मर्मत गरि फागुन ६ गते दिउँसो ४ बजेबाट पुन: विद्युत उत्पादन थालिएको कम्पनीले जनाएको छ ।
गत असार २२ गते राधी खोलामा आएको बाढी र पहिरोको कारण कम्पनीले प्रवर्द्धन गरेको ४.४ मेगावाटको राधी साना जलविद्युत आयोजनामा क्षति पुगेको थियो । आयोजनाको Headworks र Headrace Pipe मा क्षति पुग्न गई काबु बाहिरको परिस्थिती सृजनाको कारण राधी साना जलविद्युत आयोजनाको उत्पादन असार २२, २०८० को राती ८:५६ बाट बन्द रहेको थियो।
कम्पनीका अनुसार हाल उक्त समस्याको उचित समाधान गरि मिति फाल्गुन ०५, २०८० को राति ८:२० मा Testing को कार्य सम्पन्न गरि मिति फाल्गुन ०६, २०८० दिउँसो ४:०० बजे बाट पूनः यस आयोजना संचालनमा आएको छ ।
