एपी वान टेलिभिजन मार्फत प्रसारण हुदै आएको नेपाल आइडलको लोकप्रियता बढ्दो छ । अहिले प्रतियोगिताको ‘टप सिक्स’ मा सागर आले, सुजाता पाण्डे, निशान भट्टराई, सुरज थापा, बुद्ध लामा र प्रताप दास गरी ६ प्रतिस्पर्धी बाँकी छन् । दर्शकको भोटले नै कसले उपाधि जित्छ भन्ने टुंगो लगाउछ ।
यसैबीचमा प्रतियोगिताको एक प्रतियोगी निशान भट्टराईले भावुक संदेश प्रेषित गरेका छन् । उनले देशले बाढीपहिरोको कठिन परिस्थिति झेलिरहेको बेला आफु पीडा मनमा बोकेर नेपाल आइडलको मन्चमा रहेको र आफ्नो तर्फबाट केही गर्न गर्न नसकेको भन्दै भावुक संदेश लेखेका हुन् ।
उनले आज बिहिबार पनि नेपाल आइडलको कार्यक्रम प्रस्तुत हुने तर यो साता आफु भोट गरिदिनुहोस् भन्न सक्ने अवस्थामा नरहेको बताएका छन् । उनले आफ्ना सबै समर्थकहरु लाई पहिला आफु सुरक्षित रहन र अरुलाई पनि सुरक्षित रहन सहयोग गर्नको लागि अपिल गरेका छन् । त्यसपछि सहज भयो भने मात्र नेपाल आइडलको कार्यक्रम हेरेर भोटिङ गर्न आह्वान गरेका छन् । उनले सबभन्दा पहिला सबैजना सुरक्षित र पीडामुक्त भएको सुन्न र देख्न चाहेको बताएका हुन् ।
यस्तो छ उनले फेसबुकमा प्रेषित गरेको भावुक संदेश ।