.gif)
यस वर्षको दशैँका लागि नयाँ नोट भदौ अन्तिम हप्तादेखि साट्न पाईने भएको छ । नेपाल राष्ट्र बैंकले नयाँ नोट भदौ २१ गतेपछि साट्न सकिने गरी व्यवस्था मिलाउन लागिएको जनाएको छ ।
राष्ट्र बैंकको मुद्रा व्यवस्थापन विभागका कार्यकारी निर्देशक रेवतीप्रसाद नेपालका अनुसार भदौ २१ पछि नयाँ नोट साट्न मिल्ने गरी तयारी गरिरहेको भएपनि कुन मितिबाट सटही सविधा दिने भन्ने तय भईसकेको छैन ।
यस वर्ष नयाँ नोटको उपलब्धता सहज हुने दाबी उनको छ । स्टक प्रयाप्त रहेकाले नयाँ नोट पाइँदैन कि भन्ने अवस्था नरहेको उनले बताए ।
भदौ दोस्रो सातासम्म रहने स्टकका आधारमा प्रतिव्यक्ति कतिसम्म सटही सुविधा दिने भन्ने तय हुने नेपालको भनाई छ । यसका लागि राष्ट्र बैंकले सूचना नै प्रकाशित गर्नेछ ।
गत वर्षको दशैँमा राष्ट्र बैंकले प्रतिव्यक्ति १८ हजार ५ सयका दरले नोट सटहीको व्यवस्था मिलाएको थियो ।
.gif)
