कनेक्टआईपीएसले बीमा प्रिमियम भुक्तानीमा क्यासब्याक अफर सार्वजनिक गरेको छ । असार ३ गतेदेखि ३० गतेसम्म लागू हुने गरी यस अफर अन्तर्गत कनेक्टआईपीएस मार्फत लाईफ इन्स्युरेन्स कम्पनीको प्रिमियक भुक्तानी गर्दा अफरको शर्त बमोजिम क्यासब्याक उपलब्ध हुने कम्पनीले जनाएको छ ।
कम्पनीका अनुसार हरेक हप्ता १० जना भाग्यशाली प्रयोगकर्ताले २०.८०% (अधिकतम रु २,०८०) क्यासब्याक प्राप्त गर्न सक्ने छन् भने अफरको अन्त्यमा एक जना भाग्यशाली विजेताले रु २०,०८० क्यासब्याक प्राप्त गर्ने छन् ।
लक्की ड्र मार्फत हरेक हप्ता छानिएका भाग्यशाली विजेताहरुको जानकारी एनसीएचएलको वेवसाइट तथा आधिकारिक सामाजिक सञ्जालहरु मार्फत सार्वजनिक गरिने कम्पनीले जनाएको छ । कम्पनीका अनुसार कनेक्टआईपीएसको वेव, मोबाइल एप तथा इन्स्युरेन्स कम्पनीको वेबसाइटमा जोडिएको कनेक्टआईपीएस गेटवे मार्फत गरिएको लाइफ इन्स्युरेन्स सम्वन्धी प्रिमियम भुक्तानीमा मात्र सो अफर लागू हुनेछ ।
