नेपाल स्टक एक्चेन्ज नेप्सेमा रसुवागढी हाइड्रोपावर लिमिटेड तथा सान्जेन जलविद्युत कम्पनी लिमिटेडको शेयर सुचिकृत भएको छ। नेप्से र यी दुई कम्पनीबीच शेयर सूचीकरण सम्झौता भएको हो ।
जस अनुसार रसुवागढीको ६ करोड १५ लाख ७८ हजार ९ सय कित्ता र सान्जेनको ३ करोड २८ लाख ५० हजार कित्ता शेयर सुचिकृत भएको हो ।
शेयर सूचीकरण भएपछि मंगलबारदेखि कम्पनीको कारोबार सुरु हुनेछ । नेप्सेका अनुसार रसुवागढीको कारोबार RHPL सिम्बलबाट र सान्जेनको SJCL सिम्बलबाट कारोबार हुनेछ । पहिलो कारोबारको लागि रसुवागढीको सुरुवाती रेन्ज ९७.२९ देखि २९१.८७ रुपैयाँसम्म र सान्जेंको सुरुवाती रेन्ज ९६.३२ देखि २८८.९६ रुपैयाँसम्म तोकिएको छ । नेप्सेले सुरुवाती कारोबारको लागि कम्पनीको नेट वर्थको ३ गुणा सम्मको सुरुवाती मूल्य तोक्ने गरेको छ ।
अब मंगलबार नेप्सेले तोकेको प्रि ओपन सेसन अर्थात ११ बजे भन्दा पहिले नै पहिलो कारोबार भएर मूल्य तोकिएपछि ११ बजेपछि कम्पनीको शेयरको नियमित कारोबार हुनेछ । यदि प्रि ओपन सेसनमा कारोबार नभएर मूल्य कायम नभएमा अर्को दिन पुन प्रि ओपन सेसनमा शेयरको कारोबार गर्नु पर्ने छ ।
तोकिएको रेन्ज भित्रको जुन सुकै मूल्यमा पहिलो कारोबार हुन् सक्छ । यी दुवै कम्पनी चिलिमे हाइड्रोपावर कम्पनीक सहायक कम्पनी हुन् । दुवै कम्पनीले एक साथ जनताको जलविद्युत कार्यक्रम अन्तर्गत सर्वसाधारणलाई शेयर निष्काशन गरेका थिए ।
नवीकरण शुल्क छल्न दुवै कम्पनीले साउन लगाएपछि मात्र शेयर सूचीकरण गराएका हुन् । हामीले कम्पनीलाई ढिलो शेयर सूचीकरण गरेर कति जोगियो भन्ने सोधेका थियौ ।
हेर्नुस भिडियो ।