चालु आर्थिक्व वर्षको पहिलो त्रैमासमा आरएसडिसी लघुवित्तको खुद नाफा १०० प्रतिशत भन्दा धेरैले बढेको छ । अघिल्लो आर्थिक वर्षको पहिलो त्रैमासमा कम्पनीले १ करोड ८९ लाख खुद नाफा कमाएकोमा चालु आर्थिक वर्षको पहिलो त्रैमासमा कम्पनीको खुद नाफा बढेर ३ करोड ८२ लाख पुगेको हो । यो १०१.९८ प्रतिशतको वृद्धि हो ।
यस अवधिमा कम्पनीको खुद ब्याज आम्दानी ११९.३३ प्रतिशतले बढेर ७ करोड ६५ लाख पुगेको छ । कम्पनीको संचालन मुनाफा ११२.८८ प्रतिशतले बढेर ५ करोड ४६ लाख पुगेको छ । कम्पनीको सापटी ३९.९५ प्रतिशतले बढेर ५ अर्ब ४१ करोड पुगेको छ भने लघुवित्तहरुलाई प्रदान गरेको कर्जा ३७.६६ प्रतिशतले बढेर ६ अर्ब ३५ करोड पुगेको छ । कम्पनीको खराब कर्जा ०.६ प्रतिशत रहेको छ ।
यस अवधिमा कम्पनीको प्रति शेयर आम्दानी १०.३४ रुपैयाँबाट बढेर १८.९९ रुपैयाँ कायम भएको छ । कम्पनीको प्रति शेयर नेटवर्थ १२६.९६ रुपैयाँ रहेको छ । कम्पनीको पीई रेसियो २५.५९ गुणा रहेको छ ।
कम्पनीको चुक्ता पूँजी ८० करोड ५१ लाख रुपैयाँ रहेको छ ।